Qeydiyyat prosesi 5 Aprel 2024 tarixindən başlayacaqdır!

Nəriman Topçibaşev

Nəriman Topçibaşev ilk bakalavr və magistr təhsilini Azərbaycan Memarlıq və İnşaat Universitetində, 2-ci magistr təhsilini Çexiyanın Brno Texnologiya Universitetində almışdır.
Daha sonra Harvard Universitetində Beynəlxalq İdarəçilik Kursu keçmişdir.

O, tikinti layihələrinin idarə edilməsi, biznesin idarə edilməsi və satınalmalar üzrə 14 ildən artıq təcrübəyə malikdir.

Nəriman Topçibaşev 2018-ci ildən “PMD Projects” MMC-də Layihələrin idarə olunması departamentində direktor müavini vəzifəsində çalışıb, 2019-cu ildən həmin departamentin direktoru vəzifəsinə yüksəlmişdir.

2020-ci ildən “PMD Projects” MMC-nin direktoru vəzifəsində işini davam etdirir.

Samir Məmmədov

Samir Məmmədov Corciya Dövlət Kənd Təsərrüfatı Universitetində Beynəlxalq İqtisadi Münasibətlər üzrə təhsil alıb, Lancaster Universitetində tətbiqi dilçilik üzrə magistr dərəcəsi alıb və Cənubi Aydaho Kollecində “İnsan Xidmətləri” kursunu oxuyub. O, orta məktəb illərində Amerika Xarici Siyasət Şurası tərəfindən idarə olunan Britaniyalı Con Smit və ABŞ Donald Ramsfeld təqaüdçüsü, Ashton Horny Scholar və “Gələcək Liderlər” mübadilə proqramının məzunudur.

Samir Məmmədov Vodafone-Azerfon, Nar və Azertelecom şirkətlərində müxtəlif vəzifələrdə çalışıb, o cümlədən Biznesin İnkişafı və Gələcək Laboratoriyaları Direktoru, Korporativ İdarə Heyətinin rəhbəri və Baş Satış Direktoru kimi bazara daxil olmaq və müştəri cəlb etməkdə rekord göstəricilər əldə edib. Beynəlxalq inkişaf sahəsində Samir Məmmədov Gürcüstan, Misir və Livanda müxtəlif təyinatlarla World Vision International, SC Netherlands və Save the Children Federasiyasının Azərbaycan üzrə direktoru vəzifəsində çalışmışdır.

Özəl sektorda və sahibkar kimi uğurlu fəaliyyətindən sonra inkişafa qayıdan cənab Samir Məmmədov indi daha yaxşı qlobal gələcəyə sadiq olan 20 000-dən çox biznesə ev sahibliyi edən dünyanın ən böyük korporativ davamlılıq şəbəkəsi olan Birləşmiş Millətlər Təşkilatının Qlobal Saziş üzrə Azərbaycan üzrə Nümayəndəsidir.

Fərid Safquliyev

Fərid Safquliyev 2006-2010-cu illər ərzində Azərbaycan Dövlət Memarlıq və İnşaat Universitetində Memarlıq ixtisası üzrə bakalvr təhsili almışdır. Hal-hazırda, 2024-cü ildən etibarən İngiltərənin Warwick Universitetində Executive MBA təhsili alır. 2008-2012-ci illərdə müxtəlif şirkətlərdə Memar və Layihə Rəhbəri kimi fəaliyyət göstərmişdir.

2012-2014-cü illərdə MNG Holding-də sahə memarı olaraq çalışmış, 2014-2021-ci illərdə Paşa İnşaat MMC şirkətində İnşaat üzrə Menecer vəzifəsində fəaliyyət göstərmişdir. 2018-ci ildə Farchitects Şirkətlər Qrupu-nu (Farchitects Design Bureau, BRG Construction, Farchitects Hospitality) təsis etmiş və həmin müddətdən etibarən Təsisçi və İdarəedici Direktor vəzifəsində işləyir.

İlqar İsbatov

İlqar İsbatov 1981-ci ildə Azərbaycan Mühəndis-İnşaat İnstitutunun Memarlıq fakültəsinə daxil olmuş, 1984-cü ildə təhsilini Moskva Memarlıq İnstitutunun şəhərsalma fakültəsində davam etdirmişdir. 1987-ci ildə Moskva Memarlıq İnstitutunu memarlıq ixtisası üzrə fərqlənmə diplomu ilə bitirmişdir. Memarlıq üzrə fəlsəfə doktorudur. 1987-ci ildə Bakı Dövlət Layihə İnstitutunun Baş plan emalatxanasında əmək fəaliyyətinə başlamışdır. 1987-1998-ci illərdə Bakı Dövlət Layihə İnstitutunda memar və aparıcı memar vəzifələrində, 1998-2002-ci illərdə “Azərdövlətlayihə” Dövlət Baş Layihə İnstitutunda qrup rəhbəri və layihənin baş memarı vəzifələrində, 2002-2008-ci illərdə “Feniks-AA” Məhdud Məsuliyyətli Cəmiyyətinin direktoru vəzifəsində çalışmışdır.

2008-ci il etibarən Azərbaycan Respublikasının Dövlət Şəhərsalma və Arxitektura Komitəsinin Bakı Dövlət Layihə İnstitutunun direktoru vəzifəsində çalışıb. Azərbaycan Respublikası Prezidentinin 19 iyun 2019-cu il tarixli Sərəncamı ilə İlqar Aydın oğlu İsbatov Azərbaycan Respublikası Dövlət Şəhərsalma və Arxitektura Komitəsi sədrinin müavini vəzifəsinə təyin edilib.

İlqar İsbatov Azərbaycan Respublikası Prezidentinin 9 aprel 2010-cu il tarixli Sərəncamı ilə “Tərəqqi” medalı ilə təltif edilmiş, 10 aprel 2012-ci il tarixli Sərəncamı ilə “Əməkdar Memar” fəxri ada layiq görülmüş, 18 dekabr 2017-ci il tarixli Sərəncamı ilə “Şöhrət ordeni” ilə təltif edilmişdir.

Hüseyin Tonguç Özcan

Hüseyin Tonguç Özcan 1992-ci ildə İstanbul Texniki Universiteti Memarlıq Fakültəsini bitirmişdir. 1993-cü ildə Texniki Yapı A.Ş-də memar olaraq başlamış və 1996-1998-ci illərdə memar Reşit Soley ofisində davam etmişdir.

Bu müddətdən sonra 1998-2010-cu illər arasında sərbəst fəaliyyətə başlamış və bir çox layihələr həyata keçirmişdir. O, müxtəlif disiplinlər və miqyasda layihələrdə məsləhətlər verib və 2010-cu ildən Aslı Mimarlık ofisində direktor vəzifəsində çalışır. Bundan əlavə, müxtəlif miqyasda və keyfiyyətlərdə bir çox mükafatlara malikdir.

Övsət Həmidov

Övsət Həmidov tam ali təhsilini Memarlıq və İnşaat Universitetinin İnşaat mühəndisliyi fakültəsində almışdır. 1978-ci ildən etibarən başladığı əmək fəaliyyəti boyunca bir çox müəssisələrdə inşaat mühəndisi, inşaat meneceri kimi vəzifələri həyata keçirmişdir. O, nüfuzlu inşaat şirkətlərinin rəhbər vəzifələrində çalışarkən respublikanın müxtəlif bölgələrində, o cümlədən ölkə hüdudlarından kənarda çoxsaylı inşaat layihələrinə rəhbərlik etmiş, 4 elmi iş ərsəyə gətirmişdir. Fəaliyyət göstərdiyi müəssisələrdə innovativ inşaat layihələrini, yenilikçi və sürətli inşaat metodlarını və texnologiyalarını tətbiq edərək inşaat sektoruna öz töhfəsini vermişdir.

Hazırda Ağdam, Füzuli və Xocavənd rayonlarında Bərpa, Tikinti və İdarəetmə Xidmətinin İcraçı direktoru vəzifəsini icra edən Övsət Həmidov 2023-cü ildə Beynəlxalq Ekoenergetika Akademiyasının "İnşaat Mühəndisliyi üzrə Fəlsəfə Doktoru" adına layiq görülmüşdür.

Ehtiram Quliyev

Ehtiram Quliyev 1995-ci ildə Ankara Universitetinin Hüquq fakültəsinə qəbul olmuş, 2000-ci ildə Azərbaycana qayıdaraq bir müddət tibb və sənaye sektorunda hüquq və insan resursları sahəsində çalışmış, 2004-cü ildə isə öz şəxsi biznes fəaliyyətinə başlamışdır.

Təsis etdiyi ilk şirkəti “Premium Medical Assistance” MMC Azərbaycanın ən böyük assist xidməti verən şirkətlərdən biri hesab olunur. Sonrakı illər ərzində təsis etdiyi şirkətlərin əhatə sahəsini genişləndirərək apteklər şəbəkəsi, inşaat, təmir-bərpa, interyer dizayn kimi bir-birindən fərqli sektorlarda da uğurlu işlərə imza atıb.

Ehtiram Quliyev şirkətlərini 2017-ci ildən etibarən bir qrup halında - Huner Group adı altında topladı. Ehtiram Quliyev Azərbaycan Respublikasının iqtisadi inkişafına verdiyi töhfəyə və sahibkarlıq sahəsində səmərəli fəaliyyətlərinə görə Azərbaycan Prezidenti tərəfindən “Tərəqqi” medalı ilə təltif edilib.

Cəbrayıl Xanlarov

Cəbrayıl Xanlarov 1994-cü ildə Azərbaycan Dövlət İqtisad Universitetini fərqlənmə diplomu ilə bitirmişdir. İqtisad elmləri üzrə fəlsəfə doktorudur. 2006-cı ildən etibarən Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin rəisi vəzifəsində çalışmaqdadır.

Fövqəladə halların qarşısının alınmasında və onların nəticələrinin aradan qaldırılmasında fərqləndiyinə görə 2008-ci ildə Azərbaycan Respublikası Prezidentinin Sərəncamına əsasən “Dövlət qulluğunda fərqlənməyə görə” medalı ilə təltif edilmişdir. 2021-ci ildə Azərbaycan Respublikası Prezidentinin Sərəncamı ilə Cəbrayıl Xanlarova 3-cü dərəcə dövlət müşaviri ixtisas dərəcəsi verilmişdir.

İsrail Asəliyev

İsrail Asəliyev müxtəlif biznes sahələrində rəhbər vəzifələrdə 20 ilə yaxın təcrübəyə malikdir. O, biznesin inkişafı, strateji inkişaf, böhran vəziyyətlərinin idarə edilməsi, maliyyə dayanıqlılığı, satış və digər əlaqəli sahələrdə təcrübəli peşəkardır. Cənab Asəliyev 2018-ci ildən NEQSOL Holding-də Tikinti Sənayesinin rəhbəri vəzifəsində çalışır və bu seqmentdə strategiyanın hazırlanmasına və həyata keçirilməsinə cavabdehdir. O, həmçinin Holdinqdə sənaye biznesini genişləndirmək üçün Birləşmə və Sərmayələr (M & A) layihələrinə rəhbərlik edir. Cənab Asəliyev həmçinin Cənubi Qafqazda ən böyük sement istehsalçısı olan Norm şirkətinin Direktorlar Şurasının üzvüdür.

NEQSOL Holding-in idarəetmə komandasına qoşulmazdan öncə, İsrail Asəliyev inşaat materialları, dağ-mədən sənayesi, tekstil və kimyəvi maddələrin istehsalı sahələrində fəaliyyət göstərən Gilan Sənaye Qrupunun Baş icraçı direktorunun müavini vəzifəsində çalışıb. O, həmçinin Mingəçevir Sənaye Parkının sıfırdan başlayaraq iki zavodun istismara verilməsinədək inkişaf layihəsinə cavabdeh olub. O, həmçinin Azərbaycanda fəaliyyət göstərən Synergy Group-un ən iri istehsal şirkəti olan "AAC" tikinti materialları zavodunun Baş direktoru vəzifəsində çalışıb.

Cənab Asəliyev 2003-2011-ci illərdə menecment və İT konsaltinq, eləcə də beynəlxalq texniki dəstək sənayesində fəaliyyət göstərib. O, Almaniya, Belçika və ABŞ şirkətləri və təşkilatlarında ekspert və rəhbər vəzifələrdə çalışıb. 2005-ci ildən etibarən Azərbaycanda informasiya texnologiyaları sahəsində ilk peşəkar mükafat olan NETTY Mükafatı Akademiyasının üzvüdür.

Cənab Asəliyev Azərbaycan Dövlət Neft və Sənaye Universitetini müvəffəqiyyətlə bitirib. O, Azərbaycanda ilk PMI sertifikatlı layihə idarəetmə peşəkarlarından biridir.

Aydın Kərimov

Aydın Kərimov 1991-ci ildə Azərbaycan Dövlət Neft Akademiyasına (Azərbaycan Dövlət Neft və Sənaye Universiteti) daxil olub və 1996-cı ildə həmin akademiyanın “İstehsal proseslərinin avtomatlaşdırılması” ixtisası üzrə məzun olub.

Aydın Kərimov 1998-2003-cü illərdə Bakı Beynəlxalq Dəniz Ticarət Limanında,2003-2019-cu illərdə müxtəlif özəl şirkətlərdə - “Caspian Invest” LTD və “Caspian Marine” LTD direktor vəzifəsində çalışıb.

Şirkətlərin fəaliyyətinə həm Azərbaycanda, həm də xaricdə infrastruktur, şəhərsalma və s. sahəsində bir sıra konsaltinq xidmətləri və layihələri daxildir. 2019-2021-ci illərdə Dövlət Şəhərsalma Komitəsində komitə sədrinin müşaviri vəzifəsində çalışıb. Aydın Kərimov 2021-ci ildə Azərbaycan Respublikası Prezidentinin Şuşa rayonu üzrə xüsusi nümayəndəsi təyin edilib.

Fizuli Əliyev

Ali təhsilini Türkiyənin Mimar Sinan Universitetində alan Fizuli Əliyev karyerasının ilk illərində Türkiyənin aparıcı şirkətlərində memar kimi çalışıb və bir çox layihələrdə iştirak edib. Daha sonrakı illərdə Böyük Britaniyanın Broadway Malyan şirkətində xarici memarlarla birgə Azərbaycanda bir neçə uğurlu layihələrə imza atıb.

2015-2021-ci illərdə PMD Group və PMD Projects şirkətlərində da bir neçə vəzifədə həmçinin Baş Memar və Dizayn İdarəetmə şöbəsinin müdiri kimi uzun müddət çalışıb. 2021-ci ildən isə Design Bureau şirkətinin İcraçı Direktoru kimi çalışır.

Arda Özkıyıcı

Arda Özkıyıcı 2010 cü ildə İSTANBUL DOĞUŞ ÜNİVERSİTESİ ni bitirib. O, 2019-2020-ci illərdə “Alp Erdem Elektrik İnşaat Ticaret A.Ş.” nin İdarə Heyətinin sədri vəzifəsində çalışıb.

2021 ci ildə “Freysaş Freyssinet Yapı Sistemleri Sanayi A.Ş.”nin Azərbaycan Respublikasındakı filialının rəhbəri vəzifəsində, 2022- ci ildən artıq “FREYSSINET”in Azərbaycan üzrə rəhbəri vəzifəsindədir.

Rəhman Hacıyev

Rəhman Hacıyev 1997-ci ildə Bakı Dövlət Universitetinin “Beynəlxalq münasibətlər” fakültəsinə daxil olub, universitetin Bakalavr və Magistr dərəcəsini (qırmızı diplomla) bitirib. 2019-2020-ci illərdə İE Business School (Madrid, İspaniya) universitetində “Global Executive MBA” (Qlobal biznesin idarə edilməsi üzrə magistr) pilləsi üzrə təhsil alıb. Rəhman Hacıyev 2002-2008-ci illərdə MBASK Sığorta Şirkətinin İdarə Heyətinin üzvü olmaqla yanaşı, həmin şirkətdə müxtəlif vəzifələrdə çalışıb.

O, 2009-cu ildən “First News Media” İnformasiya Agentliyinin baş redaktoru və icraçı direktoru, 2011-ci ildən isə Azərbaycan Respublikası Prezidentinin İşlər İdarəsinin “Bakinskiy Raboçiy” qəzetinin baş redaktoru vəzifələrində çalışıb.

Hazırda “Sabah” Futbol Klubunun Müşahidə Şurasının üzvüdür.